ᕿᑭᖅᑕᕐᔪᐊᒥ ᓂᐱᓕᐅᖅᑕᐅᓯᒪᔪᑦ

ᕿᑭᖅᑕᕐᔪᐊᖅ ᓄᓇᓕᙳᖅᐸᓪᓕᐊᓕᖅᑐᕕᓂᖅ ᐅᓇᑕᖅᑐᒃᓴᒃᑯᑦ ᐅᐸᓗᖓᐃᔭᖅᑐᓕᕆᔨᒃᑯᖏᑦ ᐱᒋᐊᖅᑎᑦᑎᓐᓂᕐᖓᑕ (ᑑᓚᐃᓐ) 1950 ᐊᕐᕌᒍᖏᓐᓂᒃ. ᐃᓄᐃᑦ ᓇᖕᒥᓂᖅ ᓅᓚᐅᖅᓯᒪᒐᓗᐊᖅᑎᓪᓗᒋᑦ ᓄᓇᓕᖕᓄᑦ, ᕿᑭᖅᑕᕐᔪᐊᖅ 1979ᒥ ᕼᐋᒪᓚᙳᖅᑎᑕᐅᓂᑰᕗᖅ. ᒐᕙᒪᑐᖃᒃᑐᑦ ᐃᓄᖕᓂᒃ ᑕᐃᑯᖓ ᓄᒃᑎᑦᑎᕆᓚᐅᖅᑯᑦ ᐊᓯᖏᓐᓂᒃ ᐃᓄᖕᓂᒃ ᓄᓇᓕᕋᓛᕐᒥᐅᑕᕐᓂᒃ ᓲᕐᓗ ᕿᕕᑦᑑᕐᒥᐅᑦ ᐹᓪᓚᕝᕕᒻᒥᐅᓪᓗ. ᒫᓐᓇ ᕿᑭᖅᑕᕐᔪᐊᖅ 500ᓂᒃ ᐃᓄᖃᓕᖅᑐᖅ, 40%ᖑᔪᑦ ᐃᓅᓱᒃᑐᑦ ᐊᒥᓲᓂᖏᑦ 18-ᕈᖅᓯᒪᖏᑦᑐᑦ ᑲᓇᑕᐅᑉ ᑭᒡᓕᓯᓂᐊᖅᑐᓕᕆᔨᒃᑯᖏᓐᓂ 2006ᒥ ᑎᑎᕋᖅᑕᐅᔪᕕᓂᖅ. ᐃᓄᒃᑎᑐᑦ ᐅᖃᐅᓯᖅ ᐅᖃᐅᓯᓪᓗᐊᑕᐅᕗᖅ ᓄᓇᓕᖕᓂ. ᕿᑭᖅᑕᕐᔪᐊᕐᒥᐅᓪᓗ ᐃᓄᖏᑦ ᐃᓕᖅᑯᓯᑐᖃᖏᓐᓂᒃ ᑎᒍᒥᐊᖅᓯᓂᕋᑕᐅᓛᖑᓂᕋᖅᑕᐅᓯᒪᒋᕗᑦ ᓄᓇᕗᒻᒦᑦᑐᓂᒃ. ᐊᓯᕙᕐᓂᖅ ᐃᖃᓪᓕᐊᕐᓂᕐᓗ ᐱᒻᒪᕆᐅᓛᕆᔭᐅᕘᒃ ᑮᓇᐅᔭᓕᐅᕈᑕᐅᔪᓐᓇᕐᓂᖏᓐᓄᑦ ᐃᓕᖅᑯᓯᕆᔭᐅᓂᖏᓐᓂᒡᓗ ᕿᑭᖅᑕᕐᔪᐊᕐᒥᐅᓄᑦ. ᐅᐱᓐᓇᕋᓂ, ᕿᑭᖅᑕᕐᔪᐊᑉ ᓯᑯᖓ ᐱᒻᒪᕆᕐᔪᐊᕆᔭᐅᕗᖅ ᓄᒃᑕᕐᕕᐅᕙᖕᓂᖓᓄᑦ ᐊᓯᕙᕐᕕᐅᕙᖕᓂᖓᓄᓪᓗ ᓄᓇᓕᖕᒥᐅᓄᑦ. ᐃᓐᓇᐃᑦ ᐊᓯᕙᖅᑏᓪᓗ ᐋᖅᑭᒃᓱᐃᓯᒪᓕᖅᐳᑦ ᐅᓂᒃᑳᖅᓯᒪᑦᑎᐊᖅᑐᑎᒃ ᐅᑭᐅᑦᑕᖅᑑᑉ ᐊᕙᑎᖓᑕ ᖃᐅᔨᒪᔭᐅᔪᓂᖓᓂᒃ. ᑭᓯᐊᓂ, ᐃᓚᒌᑦ ᑮᓇᐅᔭᒧᑦᑕᐅᖅ ᐆᒪᔾᔪᑎᖃᕐᒪᑕ ᐃᖅᑲᓇᐃᔭᕆᐊᖃᑦᑕᕆᕗᑦ. ᑕᐃᒪᐃᓐᓂᖓᓄᑦ ᐊᒥᓱᑦ ᕿᑭᖅᑕᕐᔪᐊᕐᒥᐅᑦ ᐃᖅᑲᓇᐃᔭᓚᐅᑲᖃᖅᑕᖅᐳᑦ ᐃᖅᑲᓇᐃᔮᖃᖅᐳᓪᓘᓐᓃᑦ ᓄᓇᓕᖕᓂ ᐱᖅᑯᓯᓕᕆᓂᕐᒧᑦ ᐱᔾᔪᑎᖃᖏᑦᑎᐊᖅᑐᓂᒃ.

ᑲᑎᒪᔨᕋᓛᑦ ᓇᓗᓇᐃᖅᓯᓚᐅᖅᑐᑦ ᖃᐅᔨᓴᖅᑕᐅᖅᑳᖁᔭᐅᔪᓂᒃ ᐅᑯᓂᖓ:
                                                                                                                                                                                                                                 - ᐊᕙᑎᑦᑕ ᐊᓯᔾᔨᖅᐸᓪᓕᐊᓂᖓᓂ
- ᐊᑦᑕᕐᓇᖅᑐᓕᕆᓂᖅ ᓄᓇ ᐊᑐᖅᑕᐅᕙᖕᓂᖓ ᐱᔾᔪᑎᒋᓪᓗᒍ
- ᐃᓅᓱᒃᑐᑦ ᓄᓇᒦᒍᓐᓇᐅᑎᖏᓐᓂᒃ ᐊᓯᐅᔨᕙᓪᓕᐊᓕᕐᓂᖏᓐᓂᒃ.
 

ᐊᕙᑎᑦᑎᓐᓂ ᐊᓯᔾᔨᖅᐸᓪᓕᐊᔪᑦ

“ᐃᑯᓪᓕᐊᑦᑎᐊᕙᔪᒐᓗᐊᕐᖓᓪᓕ, ᒫᓐᓇ ᑕᐃᒪᐃᒍᓐᓃᕐᖓᑦ”

ᓂᐱᓕᐅᖅᓯᒪᔪᒥᒃ, ᐊᔾᔨᒌᖏᑦᑐᓂᒃ ᐊᕙᑎᑦᑎᓐᓂ ᐊᓯᔾᔨᖅᓯᒪᓕᖅᑐᓂᒃ ᐅᓂᒃᑲᐅᓯᖃᕐᓂᐊᖅᑐᑦ, ᑐᕙᐅᑉ ᖃᓄᐃᓕᖓᓂᖓ, ᐃᑦᔪᓂᖓ ᐃᖏᕐᕋᓃᑦ ᓱᒃᑲᓂᖏᑦ ᓯᑯᑦ ᐃᖏᕐᕋᓂᖏᑦ. ᐊᓯᕙᑦᑏᑦ ᐃᓐᓇᐃᓪᓗ ᐅᓂᒃᑳᖏᑦ ᖃᐅᔨᒪᓇᖅᓯᔾᔪᑎᒧᑦ ᐊᓯᔾᔨᖅᐸᓪᓕᐊᔪᑦ ᐊᒃᑐᐊᖓᖃᑎᒌᖕᓂᖏᓐᓂᒃ. ᑲᑎᑦᑐᓄᑦ ᐊᓯᔾᔨᖅᐸᓪᓕᐊᓂᖓᓄᑦ ᐊᒃᑐᐃᒻᒪᕆᒃᐳᖅ ᐊᕙᑎᕗᑦ ᓇᓚᐅᑦᑖᒐᒃᓴᐅᔪᓐᓃᓂᖓᓂᒃ. ᐊᓯᔾᔨᖅᐸᓪᓕᐊᔪᑦ ᐅᖃᐅᓯᕆᔭᐅᖏᓐᓇᖅᑐᑦ ᐊᒃᑐᐃᒻᒪᕆᖕᓂᐊᕐᓂᖏᓐᓄᑦ ᓄᓇᓕᖕᒥᐅᑦ ᐃᓄᖏᑕ ᐊᐅᓪᓚᖃᑦᑕᖅᐸᒍᑎᖓᓄᑦ 

ᐃᓄᐃᑦ ᐊᑦᑕᕐᓇᖅᑐᓕᕆᑦᔪᑎᖏᑦ ᕿᑭᖅᑕᕐᔪᐊᒥ

ᓂᐱᓕᐅᖅᓯᒪᔪᒥᒃ ᑐᓵᓂᐊᖅᑕᓯ, ᐃᓄᐃᑦ ᐊᑦᑕᓇᖅᑑᒦᑦᑕᐃᓕᒪᓂᕐᒧᑦ ᕿᑭᕐᔪᐊᖅ, ᓄᓇᕗᒻᒥ ᐅᓂᒃᑲᐅᓯᖃᖅᑎᓪᓗᒋᑦ.ᖃᐅᔨᒪᓇᖅᓯᔪᖅ, ᐊᑦᑕᓇᖅᑐᓕᕆᓂᖅ ᐊᑦᔨᒌᖏᑦᑐᓂᒃ ᐱᑦᔪᑎᖃᕋᓗᐊᖅᑎᓪᓗᒍ ᓄᓇᓕᒻᒥᐅᓂ, ᐊᑦᑕᓇᖅᑐᒦᑦᑕᐃᓕᒪᓂᖅ ᐊᑦᑐᐊᖓᓂᖃᓪᓚᕆᑉᐳᖅ ᕿᑭᖅᑕᕐᔪᐊᒻᒥᐅᑦ ᐃᓅᓯᕇᓐᓇᐅᔭᖅᑕᖏᓐᓄᑦ.

 

ᓱᖏᐅᑎᔭᕆᐊᓕᕗᑦ ᐊᓯᑦᔨᖅᐸᓪᓕᐊᔪᑦ ᐊᕙᑎᑦᑎᓐᓂ

ᐊᓯᕙᖅᑏᑦ ᐃᓄᑐᖃᐃᓪᓗ ᐅᖃᖅᑕᖏᑦ ᖃᐅᔨᓇᕈᑎᓕᖅᑯᖅ ᐊᓯᑦᔨᖅᐸᓪᓕᐊᔪᑦ ᐊᕙᑎᑦᑎᓐᓂ ᐊᑦᑐᐊᖓᖃᑎᒌᒻᒪᑕ ᐊᓯᑦᔩᕙᓪᓕᐊᒪᕆᑦᑐᑎᓪᓗ ᓄᓇᒋᔭᑦᑎᓐᓂ ᓇᓚᐅᑦᑖᒐᓐᓂᕈᓐᓃᕈᑎᒋᔭᖓ ᐅᐊᑦᑎᐊᕈᑎᑑᖏᑦᑐᖅ. ᐊᓯᑦᔨᖅᐸᓪᓕᐊᔪᑦ ᐅᖃᐅᓯᕆᔭᐅᖏᓐᓇᖃᑦᑕᓚᐅᖅᑐᖅ ᐊᐱᖅᓱᐃᑎᓪᓗᑕ ᐊᓯᑦᔩᕐᔪᐊᕐᓂᕋᖅᑕᐅᓪᓗᑎᓪᓗ ᓄᓇᐅᑉ ᐊᑐᖅᑕᐅᕙᒍᑎᖏᓐᓄᑦ.

ᑲᓇᑕᐅᑉ ᒥᕐᖑᐃᖅᓯᕕᓕᕆᑦᔪᑎᖓ ᓈᒻᒪᒋᔭᐅᓂᖅᓴᐅᓕᕐᓗᓂ

ᑕᕝᕙᓂ ᓂᐱᓕᐅᖅᓯᒪᔪᒥ ᑐᓵᓂᐊᖅᑐᓯ ᕿᑭᖅᑕᕐᔪᐊᕐᒥᐅᑦ ᐃᓐᓇᑐᖃᖏᑦ ᐊᓯᕙᑦᑎᖏᓪᓗ ᐅᖃᐅᓯᖃᕈᓐᓇᖅᓯᓚᐅᕐᖓᑕ ᐊᑐᓕᖁᔨᑦᔪᑎᓕᐅᖅᑐᑎᒡᓗ ᑲᓇᑕᐅᑉ ᒥᕐᖑᐃᖅᓯᕕᓕᕆᔨᒃᑯᖏᑕ ᐊᑦᑕᓇᖅᑐᓕᕆᑦᔪᑎᒋᔭᖏᑦ ᐱᑦᔪᑎᒋᔭᐅᓪᓗᑎ.  ᐊᐱᖅᓱᖅᑕᐅᔪᑦ ᐃᓱᒫᓘᑎᖃᕐᓂᕋᐃᓚᐅᕐᖓᑕ ᐊᑦᑕᓇᖏᑦᑐᒦᑎᑦᑎᔭᕆᐊᖃᕋᓱᒋᓪᓗᑎᓪᓗ ᓄᓇᖏᓐᓄᑦ ᐳᓛᕆᐊᖅᑐᓂᒃ. ᖃᐅᔨᓇᖅᓯᑦᔪᑎᐅᓚᐅᖅᑯᖅ ᐅᖃᖃᑎᒌᑦᑎᓪᓗᑕ ᐊᓯᕙᖅᑏᑦ ᑲᓇᑕᐅᓪᓗ ᒥᕐᖑᐃᖅᓯᕕᓕᕆᔨᒃᑯᖏᑦ ᑭᓱᑐᐃᓇᓂᒃ ᑐᓴᐅᒪᖃᑎᒌᓪᓗᑎᒃ ᐃᑲᔪᖃᑎᒌᓐᓂᖅᓴᐅᔪᓐᓇᕐᓂᖏᓐᓂᒃ. ᒥᕐᖑᐃᖅᓯᕕᓕᕆᔨᒃᑯᑦ ᓄᓇᓕᒻᒥᐅᑦ ᖃᐅᔨᒪᓂᕆᔭᖏᓐᓂᒃ ᑐᓴᕆᐊᖃᑦᑕᕐᓗᑎᒃ ᖃᐅᔨᒪᔭᐅᓕᕇᖅᑐᓂᒃ ᒥᕐᖑᐃᖅᓯᕕᓕᐊᖅᑐᑦ ᐳᓛᕆᐊᖅᑎᓪᓗᒋᑦ ᐊᑦᑕᕐᓇᖅᑐᓕᕆᔭᐅᑦᔪᑎᖏᓐᓂᒃ ᐋᖅᑭᒃᓯᒪᑎᑦᑎᑦᐊᕐᓂᖅᓴᐅᔪᓐᓇᖅᑯᑦ.