ᒥᑦᑎᒪᑕᓕᖕᒥ ᓂᐱᓕᐅᖅᑕᐅᓯᒪᔪᑦ

ᒥᑦᑎᒪᑕᓕᒃ ᕿᑭᖅᑖᓘᑉ ᑲᓇᖕᓇᖓᓃᑉᐳᖅ, 600 ᑭᓛᒥᑕᑦ ᐅᖓᑖᓂ ᐅᑭᐅᖅᑕᖅᑑᑉ ᐱᒋᐊᕐᓂᐊᓂᑦ ᐅᖓᓯᖕᓂᓕᒃ ᑲᓇᑕᒥ ᐃᓄᖕᓄᑦ ᓄᓇᒋᔭᐅᔪᒥ ᓄᓇᕗᑦᒥ. ᒐᕙᒪᑎᒍᑦ ᐃᓕᓴᕆᔭᐅᓯᒪᔪᒃᑯᑦ ᐃᓄᒃᑎᑐᑦ ᐊᑎᖓ ᐹᓐ ᐃᓐᓚᐅᑉ ᒥᑦᑎᒪᑕᓕᐅᕗᖅ. ᑖᓐᓇ ᐊᑎᖅ  ᐊᑦᑎᖅᑕᐅᓯᒪᔾᔪᑎᖃᑐᐃᓐᓇᕆᐊᓕᒃ “ᒥᑦᑎᒪ" ᑕᐃᑲᓂ ᐃᓗᕕᖅᑕᐅᓯᒪᓂᖓᓄᑦ, ᐃᓐᓇᑐᖃᖅ ᐃᓅᔪᓐᓃᖅᑐᕕᓂᖅ ᐃᒻᒪᑐᖄᓗᒃ, ᐊᒻᒪᓗ/ᐅᕝᕙᓘᓃᑦ ᐅᔭᕋᓱᒡᔪᖕᒧᑦ ᓄᓇᓖᑦ ᖃᓂᒋᔮᓃᑦᑐᒧᑦ ᓇᐅᔭᕐᓂᑦ ᐃᖃᓗᒐᓱᒃᑐᓂᑦ ᒥᑦᑎᒪᑕᕝᕕᐅᓲᕐᒧᑦ. ᑕᐃᒎᓯᖅ ᑐᓄᓂᖅ ᐃᒻᒪᕐᓂᓴᐅᓛᖑᓪᓗᓂ ᓄᓇᐅᑉ ᐊᑎᕆᕚ, ᑐᑭᖃᖅᖢᓂ “ᓯᕿᓂᕐᒧᑦ ᑐᓄᙵᔪᖅ.” ᑕᓯᐅᔭᐅᑉ ᓯᒡᔭᖓᓃᖦᖢᓂ, ᒥᑦᑎᒪᑕᓕᐅᑉ ᓄᓇᓕᖃᕐᕕᖓ ᓵᙵᕗᖅ ᑲᔾᔮᕐᓇᒻᒪᕆᒃᑐᓂᒃ ᖃᖅᑲᓂᒃ ᓯᕐᒥᓂᒡᓗ ᐊᑭᐊᓂ ᐅᖅᑯᒧᑦ ᐊᕙᓗᔭᐅᓯᒪᓪᓗᓂᓗ ᐱᖑᕐᓄᑦ ᖃᖅᑲᓄᓪᓗ ᐅᑭᐅᖅᑕᖅᑐᒥ ᖃᖅᑲᐃᑦ ᕿᒥᕐᓗᐊᓂᑦ. 1300 ᐅᖓᑎᑦᑎᐊᖓᓂ ᐃᓄᒋᐊᖕᓂᓕᒃ, 95% ᐃᓅᓪᓗᑎᒃ, ᐃᓄᒃᑎᑐᑦ ᐅᖃᐅᓯᖅ ᐅᖃᐅᓯᐅᓪᓗᐊᑕᐅᓪᓗᓂ ᓄᓇᓕᖕᓂ. ᒥᑦᑎᒪᑕᓕᐅᑉ ᐊᕙᑖ ᐊᖑᓇᓱᒡᕕᐅᖃᑦᑕᖅᓯᒪᔪᖅ ᐃᖃᓗᒐᓱᒡᕕᐅᕙᒃᖢᓂᓗ ᐃᓄᐃᑦ ᓯᕗᓕᖏᓐᓂᒃ ᐱᒋᐊᖅᖢᓂ ᐊᕐᕌᒍᑦ 4000 ᐅᖓᑎᒻᒪᕆᐊᓄᒃ.

ᐊᕐᕌᒍᓄᑦ, ᒥᑦᑎᒪᑕᓕᖕᒥ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑲᑎᒪᔨᕋᓛ ᒥᑦᑎᒪᑕᓕᖕᒥᐅᓪᓗ ᓂᐱᓕᐅᖅᑕᐅᕙᓪᓕᐊᓚᐅᕐᒪᑕ ᐅᑭᐅᖅᑕᖅᑑᑉ ᓯᓚᖓ ᐊᓯᔾᔨᖅᐸᓪᓕᐊᓂᖓ ᐱᔾᔪᑎᒋᓪᓗᒍ. ᐅᓂᒃᑳᖅᑕᐅᔪᑦ ᓂᐱᓕᐅᖅᓯᒪᔪᓂᒃ ᐅᑯᐊᖑᕗᑦ:

- ᖁᓪᓕᖅ ᐃᓄᐃᑦ ᖃᐅᒪᔭᖏᓐᓄᑦ

- ᐃᓄᐃᑦ ᖃᐅᔨᒪᔭᖏᑦ ᑐᑭᓯᐅᒪᔭᐅᓂᖓ

- ᐃᓐᓇᑐᖃᖅ ᑰᓕᓘᓯ ᓄᑕᕋᖅ ᐃᓅᓯᓕᒫᖓᓂ ᑕᑯᓯᒪᔭᖏᑦ

- ᐅᖃᕈᓯᑐᖃᐃᑦ ᓇᓗᓇᐃᒃᑯᑕᐃᓪᓗ ᐊᕙᑎᑦᑎᓐᓂ ᐊᓯᔾᔨᖅᐸᓪᓕᐊᔪᓄᑦ
 

ᖁᓪᓕᖅ

Podcast Sections / ᓂᐱᓕᐅᖅᓯᒪᔪᑦ ᐃᓂᖏᑦ

  1. ᐅᓂᒃᑲᐅᓯᕆᓗᒍ
  2. ᖁᓪᓕᓕᕆᓂᖅ

View Transcript

ᐃᓐᓇᕆᔭᐅᔪᖅ ᐃᓕᓴᐱ ᐆᑦᑐᕙᑦ ᖁᓪᓕᕐᒥ ᐅᓂᒃᑲᐅᓯᖃᖅᑐᖅ ᒥᑦᑎᒪᑕᓕᒃ ᓄᓇᕗᒻᒥ  , ᒥᑦᑎᒪᑕᓕᒃ ᐹᓐ ᐃᓐᓚᑦ ᖃᓪᓗᓈᑎᑐᑦ . 1931ᒥ ᐃᓅᓂᑰᔪᖅ ᖃᐅᓱᐃᑦᑑᑉ ᖃᓂᒋᔭᖓᓂ. ᐅᖃᐅᓯᓕᕆᔨᒻᒪᕆᒃ, ᓴᖅᑭᑦᑏᖃᑕᐅᓯᒪᔪᑦ ᐅᖃᐅᓰᑦ ᑐᑭᖏᓐᓂᒃ ᑐᓄᓂᕐᒥᐅᑦ ᐅᖃᐅᓯᖏᑦ ᑎᑎᕋᖅᑕᐅᓯᒪᔪᑦ ᓄᓇᕗᑦ ᐃᓕᓐᓂᐊᕐᕕᖓᓄᑦ. 2002ᒥ ᑲᓇᑕᓕᒫᒥ ᐃᓕᓴᕆᔭᐅᔾᔪᑎᑖᓚᐅᖅᓯᒪᖕᒥᔪᖅ ᐃᑲᔪᖅᑐᐃᕐᔪᐊᖅᓯᒪᓂᖓᓄᑦ ᓄᓇᓕᖕᒥᐅᓄᑦ ᓄᓇᕗᒻᒥᐅᓄᓪᓗ ᐱᓗᐊᖅᑐᒥᒃ ᐊᕐᓇᐃᑦ ᑭᒡᒐᖅᑐᖅᑕᐅᔾᔪᑎᖏᓐᓄᑦ ᓄᓇᓕᖕᓂᓪᓗ ᐃᖅᑲᖅᑐᐃᔪᓕᕆᓂᕐᒧᑦ.

ᐃᓄᐃᑦ ᖃᐅᔨᒪᔭᑐᖃᖏᑦ ᐅᓪᓗᒥᐅᓕ&#

ᑕᕝᕙᓂ ᓂᐱᓕᐅᖅᓯᒪᔪᒥᒃ, ᐃᐊᓕ ᐹᓂ, ᐃᓕᓐᓂᐊᖅᑐᖅ ᓄᓇᒥᐅᑕᓕᕆᓂᕐᒧᑦ ᐃᓕᓴᕆᔭᐅᔾᔪᑎᑖᕈᑎᒥ ᒪᓂᑑᐸᐅᑉ ᐃᓕᓐᓂᐊᕐᕕᒡᔪᐊᖓᓂ, ᖃᐅᔨᒋᐊᓚᐅᕐᒪᑦ ᖃᐅᔨᒪᔭᑐᖃᖅ, ᐅᕝᕙᓘᓐᓃᑦ ᐃᓄᐃᑦ ᖃᐅᔨᒪᔭᑐᖃᖓᑕ ᑐᑭᖓᓂᒃ ᖃᓄᕐᓗ ᐅᓪᓗᒥᒧᑦ ᐊᑑᑎᖃᖅᑎᑕᐅᖕᒪᖔᑦ. ᖃᐅᔨᒪᓪᓗᓂᓗ ᐃᓄᐃᑦ ᖃᐅᔨᒪᔭᑐᖃᖓᓂᖔᖅᑐᓂᒃ ᓄᓇᕗᑦ ᒐᕙᒪᒃᑯᑦ ᐃᓄᐃᑦ ᖃᐅᔨᒪᔭᑐᖃᓕᕆᓂᕐᒧᑦ ᑲᑎᒪᔨᕋᓛ ᑎᑎᕋᓚᐅᕐᒪᑕ  ᑐᑭᓕᐅᕆᓪᓗᑎᒃ 1999ᒥ, ᑕᑯᓚᐅᖅᖢᖓᓗ ᑖᒃᑯᐊ 12 ᐃᓄᐃᑦ ᖃᐅᔨᒪᔭᑐᖃᖏᓐᓂᙶᖅᑐᑦ ᐊᑐᖅᑕᐅᓪᓗᑎᒃ ᓄᓇᕗᑦ ᐆᒪᔪᓕᕆᓂᕐᒧᑦ ᐱᖁᔭᕐᒥ ᐋᖅᑭᒃᓱᐃᔾᔪᑎᐅᓚᐅᕐᓂᖏᓐᓂᒃ. ᖃᐅᔨᓪᓗᖓᓗ ᑲᓇᑕᐅᑉ ᒥᕐᖑᐃᖅᓯᕕᓕᕆᔨᒃᑯᖏᑦ, ᓄᓇᕗᑦ ᐃᓕᓐᓂᐊᖅᑐᓕᕆᔨᒃᑯᖏᑦ, ᐊᕙᑎᓕᕆᓂᕐᒧᑦ ᒪᓕᒐᓕᐅᖅᑎᒃᑯᖏᑦ, ᓄᓇᕗᓪᓗ ᐆᒪᔪᓕᕆᓂᕐᒧᑦ ᑲᑎᒪᔩᑦ ᐊᑐᕐᓂᖅᓴᐅᓕᕈᒪᖕᒪᑕ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑐᙵᕕᖃᕐᓗᑎᒃ ᐊᑐᐊᒐᓕᐅᖅᑎᓪᓗᒋᑦ ᐱᓕᕆᔭᐅᔪᒃᓴᓂᒡᓗ ᖃᓄᖅᑑᕈᑎᖃᖅᑎᓪᓗᒋᑦ. ᑖᒃᑯᐊᓕ ᑎᑎᕋᖅᑕᐅᕙᓪᓕᐊᔪᑦ ᐊᓯᐊᓂᒃ ᐱᔾᔪᑎᖃᖅᖢᓂ ᖃᐅᔨᒪᔭᑐᖃᓕᕆᓂᖅ ᖃᐅᔨᒋᐊᓚᐅᖅᑖ. ᑐᑭᓯᔪᒪᓪᓗᓂ ᖃᓄᖅ  ᐃᓄᐃᑦ ᖃᐅᔨᒪᔭᑐᖃᖓᑦ ᑐᑭᖃᕆᔭᐅᖕᒪᖔᑦ ᓄᓇᓖᑦ ᐃᓄᖏᓐᓄᑦ- ᖃᓄᕐᓗ ᐊᕐᕌᒍᖃᑎᒋᓪᓗᐊᖏᓐᓄᑦ ᐊᕐᓇᐅᖃᑎᒋᓪᓗᒋᓪᓗ ᑐᑭᖃᕆᔭᐅᖕᒪᖔᑦ- ᐊᓈᓇᑦᑎᐊᖏᓐᓄᑦ, ᓂᖏᐅᖏᓐᓄᑦ, ᐊᑦᑕᖏᓐᓄᑦ, ᐊᔭᖏᓐᓄᑦ, ᐃᓐᓇᑐᖃᖏᓐᓄᓪᓗ.


 

ᐃᓐᓇᑐᖃᖅ ᑰᓂᓘᓯ ᓄᑕᕋᐅᑉ ᐅᓂᒃᑳ&

ᓂᐱᓕᐅᖅᑕᐅᓯᒪᔪᑦ ᐊᔾᔨᒌᖏᑦᑐᓂᒃ ᐱᔾᔪᑎᖃᖅᑐᑦ ᐃᓄᐃᑦ ᖃᐅᔨᒪᔭᖏᑦ, ᐃᓄᐃᑦ ᑕᑯᓯᒪᔭᖏᑦ ᑭᐅᒋᐊᕈᑏᓪᓗ ᐊᕙᑎᑦᑎᓐᓄᑦ ᐊᓯᔾᔨᖅᐸᕋᓪᓕᐊᔪᒥᒃ ᖃᓄᕐᓗ ᓄᓇᑦᑎᓐᓂ ᐸᖅᑭᒃᖠᕚᓪᓕᕈᓐᓇᕆᐊᒃᓴᑎᓐᓂ. ᑕᕝᕙᓂ ᑐᓵᓂᐊᖅᑕᓯ, ᐃᓐᓇᑐᖃᖅ ᑰᓂᓘᓯ ᓄᑕᕋᖅ ᐅᓂᒃᑳᖅᑎᓪᓗᒍ ᐊᕙᑎᑦᑕ ᐊᓯᔾᔨᖅᐸᓪᓕᐊᓂᖓᓂ ᑕᑯᓯᒪᔭᖏᓐᓂᒃ. 1924ᒥ ᐃᓅᓂᑯ, ᒥᑦᑎᒪᑕᓕᖕᒥᐅᑕᐅᖏᓐᓇᓚᐅᖅᑐᖅ ᑭᓯᐊᓂ ᐊᕐᕌᒍᑦ ᑎᓴᒪᑦ ᐃᓅᓯᖓᑕ ᐃᓱᐊᓃᑦᑐᑦ ᒥᑦᑎᒪᑕᓕᖕᒦᖏᑕᑐᐊᕆᓚᐅᖅᑕᖏᑦ, 2007ᒥ ᐃᓅᔪᓐᓃᓚᐅᖅᑐᖅ ᐊᕐᕌᒍᖃᖅᖢᓂ 83ᓂᒃ. ᐊᕐᕌᒍᒐᓵᓗᖕᓄᑦ ᑎᑎᕋᖅᐸᓪᓕᐊᓯᒪᔪᑦ ᐅᓂᒃᑳᖅᓯᒪᓪᓗᓂᓗ ᓯᕗᓕᖓᑕ ᐃᓐᓇᐃᓪᓗ ᖃᐅᔨᒪᔭᖏᓐᓂᒃ. ᑎᑎᕋᖅᐸᓪᓕᐊᖏᓐᓇᖅᖢᓂᒋᓪᓗ ᖃᐅᑕᒫᑦ ᑕᑯᔭᖏᑦ ᐃᓅᓯᕆᔭᐅᔪᑦ ᐊᕙᑎᑦᑕᓗ ᐊᓯᔾᔨᖅᐸᓪᓕᐊᓂᖏᑦ. ᓄᑕᕋᖅ ᐃᑦᑕᕐᓂᓴᓕᕆᓂᕐᒧᑦ ᖃᐅᔨᓴᐃᔪᓂᒃ ᐃᓚᐅᕐᔪᐊᖅᓯᒪᓂᖃᕆᕗᖅ. ᓄᑕᕋᖅ ᑐᓐᓂᖅᑯᓯᐊᖅᑖᖅᓯᒪᕈᓘᔭᓚᐅᖅᐳᖅ ᐃᓕᓴᕆᔭᐅᔾᔪᑎᑖᖅᑎᑕᐅᓯᒪᓪᓗᓂᓗ ᐊᔾᔨᒌᖏᑦᑐᓄᑦ ᐅᑯᐊ ᑐᓂᓯᓚᐅᕆᓪᓗᑎᒃ ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑏᑦ ᐃᓐᓇᓂᒃ ᐃᓕᓴᕆᔭᐅᔾᔪᑎᑖᖅᑎᑦᑎᔩᑦ, ᓄᓇᕗᑦ ᑲᒥᓯᓇᖓᓂᒃ ᐃᓕᓴᕆᔭᐅᔾᔪᑎ ᓄᓇᕗᑦ ᐱᖅᑯᓯᖏᓐᓄᑦ ᐃᑲᔪᖅᑐᐃᓯᒪᓂᖓᓄᑦ ᓄᓇᕗᒻᒥ. 2006ᒥᓗ ᐃᓕᓴᕆᔭᐅᔾᔪᑎᑖᖅᑎᑕᐅᓚᐅᕆᓪᓗᓂ ᑲᓇᑕᓕᒫᒧᑦ ᐃᓕᓴᕆᔭᐅᔾᔪᑎᑖᖅᑎᑕᐅᔾᔪᑎᒥᒃ ᐱᓕᕆᓯᒪᕐᔪᐊᕐᓂᖓᓄᑦ ᑲᓇᑕᒥᐅᓄᒃ ᐃᑲᔪᖅᑐᒥᒃ.


 

ᐃᓐᓇᑐᖃᖅ ᑰᓂᓘᓯ ᓄᑕᕋᖅ ᓇᓄᐃᑦ ᐃ&

ᑕᕝᕙᓂ ᓂᐱᓕᐅᖅᓯᒪᔪᒥᒃ ᑐᓵᓂᐊᖅᑐᓯ, ᐃᓐᓇᑐᖃᖅ ᑰᓂᓘᓯ ᓄᑕᕋᖅ ᓇᓄᐃᑦ ᐃᓕᖅᑯᓯᕆᕙᒃᑕᖏᓐᓂᒃ ᐅᓂᒃᑲᐅᓯᖃᖅᑎᓪᓗᒍ. ᓄᑕᕋᖅ ᐃᓱᒫᓘᑎᖃᓚᐅᕐᒪᑦ ᒥᑦᑎᒪᑕᓕᖕᒥᐅᑦ ᒪᒃᑯᒃᑐᖏᑦ ᒥᑦᑎᒪᑕᓕᖕᒧᓪᓗ ᐳᓛᕆᐊᖅᑐᑦ ᖃᐅᔨᒪᓂᖃᙱᓗᐊᕋᓱᒋᓪᓗᓂᒋᑦ ᓇᓄᐃᑦ ᐃᓕᖅᑯᓯᕆᕙᒃᑕᖏᓐᓂᒃ. ᓴᖅᑭᑦᑏᒋᐊᕈᑎᒋᓕᓚᐅᖅᑕᖓ ᐃᓕᓐᓂᐊᕈᑎᐅᔪᓐᓇᖅᑐᓂᒃ  ᖃᐅᔨᒪᖏᓗᐊᖅᑎᓪᓗᒋᑦ ᐊᑦᑕᕐᓇᖅᑐᒦᓕᕈᓐᓇᕐᓂᖏᓐᓄᑦ ᓇᓄᕐᓄᑦ ᐅᐸᒃᑕᐅᕙᒃᑐᓄᐊᕐᓂᕈᑎᒃ.

ᐅᖃᕈᓯᑐᖃᐃᑦ ᓇᓗᓇᐃᒃᑯᑕᐃᓪᓗ ᐊ&#

ᑕᕝᕙᓂ ᓂᐱᓕᐅᖅᓯᒪᔪᒥᒃ ᑐᓵᓂᐊᖅᑐᓯ ᐅᖃᕈᓯᑐᖃᕐᓂᖅ ᓇᓗᓇᐃᒃᑯᑎᓂᒡᓗ ᐅᓂᒃᑲᐅᓯᖃᖅᑎᓪᓗᒋᑦ ᒥᑦᑎᒪᑕᓕᖕᒥᐅᑦ ᐃᓄᖏᑦ, ᒥᑦᑎᒪᑕᓕᒃ ᖃᐅᔨᒪᔭᐅᕗᖅ ᐹᓐ ᐃᓐᓚᑦ-ᖑᓂᖓᓂᒃ ᖃᓪᓗᓈᑎᑐᑦ. ᐊᖑᓇᓱᒃᑏᑦ ᐃᓐᓇᐃᓪᓗ ᒥᑦᑎᒪᑕᓕᖕᒥ ᐅᖃᐅᓯᖃᓚᐅᖅᐳᑦ ᐃᓄᐃᑦ ᐅᖃᕈᓯᖏᓐᓂᒃ ᖃᐅᔨᔾᔪᑎᐅᔪᓂᒡᓗ ᐊᕙᑎᕗᑦ ᐊᓯᔾᔨᖅᐸᓪᓕᐊᑎᓪᓗᒍ ᐅᑭᐅᖅᑕᖅᑐᒥ. ᓄᓇᕗᒻᒥᐅᑦ ᐃᓐᓇᖏᑦ ᐅᖃᖅᓯᒪᖕᒪᑕ ᑖᒃᑯᐊ ᐃᓄᐃᑦ ᐅᖃᕈᓯᑐᖃᖏᑦ ᐃᓄᖕᓄᑦ “ᐃᔾᔪᕐᓇᐃᑦᑐᕆᔭᐅᔪᑎᑐᑦ ᐱᖕᒪᑕ,” ᐱᖅᑯᓯᑦᑎᓐᓄᓪᓘᓐᓃᑦ ᓇᓗᓇᐃᒃᑯᑕᓪᓚᕆᐅᖕᒪᑕ, ᐊᑐᖅᑕᐅᓯᒪᔪᑦ ᖃᐅᔨᒪᔭᐅᓪᓚᕆᒃᖢᑎᒡᓗ ᐃᓄᖕᓄᓪᓗ ᐊᓐᓂᕆᔭᐅᒻᒪᕆᒃᑐᑦ ᐊᓯᐅᔨᖁᔭᐅᖏᑦᑐᑦ. ᐃᓚᖏᑦ, ᖃᐅᔨᔾᔪᑎᐅᓯᒪᔪᑦ ᐅᖃᕈᓯᑐᖃᐅᓯᒪᓪᓗᑎᒡᓗ ᕼᐊᓐᓇᓚᑦ, ᑕᐅᓴᑎᓄᓪᓘᓐᓃᑦ, ᐊᕐᕌᒍᓄᑦ. “ᓇᓗᓇᐃᒃᑯᑏᑦ ᐊᓯᔾᔨᖅᑐᒧᑦ”, ᐃᓐᓇᐃᑦ ᐃᓄᓕᒫᓄᑦ ᑐᓴᐅᒪᔭᐅᖁᔭᖏᑦ. ᓇᓗᓇᐃᒃᑯᑏᑦ ᑐᓴᖅᑕᐅᖁᔭᐅᒻᒪᕆᒃᑐᑦ ᐱᓗᐊᖅᑐᒥᒃ ᐃᓄᐃᑦ ᒪᒃᑯᒃᑐᖏᓐᓄ. ᑭᖑᕚᒃᓴᕗᑦ ᐱᔪᓐᓇᐅᑎᖃᖁᓪᓗᒋᑦ ᖃᓄᕐᑑᕈᑎᒃᓴᓂᒃ ᐊᑐᕆᐊᖃᓛᖅᑕᒥᓂᒃ ᓄᓇᕘᑉ ᓯᓚᖓ ᐊᓯᔾᔨᖅᐸᓪᓕᐊᑎᓪᓗᒍ.

 

ᓄᑲᕇᖅ ᑲᓪᓗᕈᖅᑐᕕᓃᒃ ᐅᓂᒃᑳᖅᑐᐊᖅ

ᐅᓂᒃᑳᖅᑐᐊᖅ ᓂᐱᓕᐅᖅᑕᐅᓚᐅᖅᓯᒪᔪᖅ 2005ᒥ ᐃᓐᓇᑐᖃᖅ ᑰᓂᓘᓯ ᓄᑕᕋᖅ ᐊᐱᖅᓱᖅᑕᐅᑎᓪᓗᒍ ᑲᖑᐃᑦ ᐊᓐᓇᐅᒪᕕᒋᕙᒃᑕᖏᑦ ᐃᓂᑐᖃᖏᓪᓗ ᐱᓕᕆᔭᐅᑎᓪᓗᒋᑦ, ᐊᕙᑎᑦᑕ ᐊᓯᔾᔨᖅᐸᓪᓕᐊᓂᖏᑦ ᓄᓇᐅᓪᓗ ᖃᓄᐃᓕᖓᓂᖏᑦ ᐱᓕᕆᔭᐅᑎᓪᓗᒋᑦ. ᓄᑕᕋᖅ ᐊᐱᖅᓱᖅᑕᐅᑎᓪᓗᒍ, ᐅᐸᓗᖓᐃᔭᑦᑎᐊᖅᓯᒪᖃᑦᑕᓚᐅᖅᑐᖅ ᐅᓄᖅᑐᓂᒃ ᑎᑎᕋᖅᓯᒪᓚᐅᖅᑐᖅ....ᐃᓛᓐᓂᓗ ᑎᑎᕋᖅᓯᒪᔭᖏᓐᓂᒃ ᓇᒃᓴᖅᐸᒃᖢᓂ. ᐅᓂᒃᑳᖅᑐᐊᖅ ᓄᑕᕋᐅᑉ ᐅᓂᒃᑳᖅᑕᖓ ᖃᐅᔨᑎᑦᑎᒋᐊᕆᕗᖅ ᕿᓚᓗᒃᑲᑦ ᓄᓇᑐᖄᓘᓂᖓᓂᒃ, ᑕᐃᑲᓂ ᐅᓂᒃᑳᖅᑐᐊᙳᕐᓂᑯ ᑖᓐᓇ ᐅᓂᒃᑳᖅᑕᖓ. ᐅᓂᒃᑳᖅᑐᐊ ᖃᐅᔨᑎᑦᑎᖕᒥᔪᖅ ᓄᓇᑖᓐᓇ ᐃᓄᖕᓄᑦ ᐊᑯᓂᒻᒪᕆᐊᓗᒃ ᐊᑐᖅᑕᐅᓯᒪᓕᕐᓂᓂᒃ ᐸᖅᑭᔭᑦᑎᐊᕆᐊᖃᕐᓂᖓᓗ ᐊᒃᓱᕉᑎᐅᓕᕈᑎᑦᑎᒻᒪᕆᒃᐳᖅ. ᐅᓂᒃᑳᖅᑐᐊᖅ ᐃᓄᐃᑦ ᐃᓕᖅᑯᓯᖏᓐᓂᒃ ᓴᖅᑭᑎᑦᑎᕗᖅ ᕿᑭᖅᑖᓘᑉ ᑐᓄᓂᕐᒥᐅᖏᓐᓂᒃ. ᐅᓄᖅᑐᓄᓪᓗ ᐃᓄᐃᑦ ᐃᓐᓇᖏᓐᓂᒃ ᖃᐅᔨᒪᔭᐅᓪᓗᓂ ᐊᔾᔨᒌᖏᑦᑐᓂᒃ ᓄᓇᓕᖕᒥᐅᓂᒃ. ᑖᓐᓇᓪᓗᐊᑦᑎᐊᖅ ᐅᓂᒃᑳᑐᐊᖑᓂᖓ ᑐᓴᖅᑕᐅᓯᒪᕗᖅ. ᐃᓐᓇᕐᓄᑦ ᖃᐅᔨᒪᔭᐅᔪᖅ ᒥᑦᑎᒪᑕᓕᖕᒥᐅᓄᑦ, ᐃᒃᐱᐊᕐᔪᖕᒥᐅᓄᑦ, ᐃᒡᓗᓕᖕᒥᐅᓄᓪᓗ, ᐅᓂᒃᑳᖅᑕᐅᓕᖅᑎᓪᓗᒍ ᐊᑕᐅᓯᕐᒥ ᓄᓇᒥ ᐱᔾᔪᑎᖃᕐᓂᖓᓂᒃ ᖃᐅᔨᒪᓇᑦᑎᐊᖅᑐᖅ: ᕿᓚᓗᒃᑲᓂ